Një ngjarje tragjike ka ndodhur në orët e para të ditës së sotme në Berat. Dy foshnje rreth 5 muajshe, binjakë, të seksit mashkull ndërruan jetë.
Ata u dërguan me urgjencë drejt spitalit, por më kot, pasi kishin vdekur që më herët. Prindërit dyshonin se fëmijët mund të jenë helmuar nga qumështi në kuti, por mjekët dyshojnë te asfiksia nga soba e drurit.
Foshnjet që ndërruan jetë janë Rojan dhe Rojel Agalliu. Ndërkohë ka reaguar edhe drejtoresha e Spitalit Rajonal të Beratit, Edlira Shkëmbi.
Ajo shprehet se fëmijët mund të kenë ndërruar jetë një orë përpara se të mbërrinin në spital.
Reagimi i plotë:
Ditën e sotme, rreth orës 10.00, në shërbimin e Pediatrisë u paraqitën dy binjakë (djem), të moshës 4,5 muajsh, banues në lagjen Uznovë, të shoqëruar nga nëna e tyre. Mjeku pediatër referon se, të dy fëmijët ishin pa shenja jete kur mbërritën në spital dhe mund të kishin rreth një orë që kishin vdekur. Në këto kushte, mjeku thjesht ka konfirmuar vdkjen, pa patur mundësi të jap ndihmën mjekësore. Fëmijët nuk janë paraqitur më parë në spital për vizitë dhe nuk kemi informacion mbi historikun apo problematika për shëndetin e tyre. Fëmijët u transportuan në morgun e Spitalit dhe menjëherë u njoftua Mjekësia Ligjore dhe Policia për të gjetur shkakun e vdekjes.