Të tjera detaje janë zbardhur nga rasti i Sarandës, ku Elisabeta Mita dhunoi në mënyrë shtazore të bijën e saj pasi nuk kishte larë enët. Videoja u paraqit në emisionin 'Fiks Fare', ku menjëherë pas saj u arrestua gruaja.
Por Panorama ka bërë me dije disa detaje të reja, më saktë disa dyshime të Mitës. Ajo shprehet se ish-bashkëjetuesi i saj mund të abuzonte me vajzën e mitur dhe se për këtë kanë pasur shpesh debate.
Madje, ajo tregon edhe një rast, ku dyshimi i saj bëhet edhe më i fortë.
Deklarata e Mitës në Gjykatë:
Vajza ime Xh., avash-avash po hidhte trup në mënyrë graduale dhe unë gjithmonë shqetësohesha kur ajo ishte e vetme në shtëpi me ish-bashkëjetuesin Arjan Mekollari, pasi me vajzën time ai nuk ka asnjë lidhje gjinie dhe gjaku. Ai gjithmonë e afronte vajzën në mënyrë provokuese, duke i premtuar se do t’i blinte gjëra të ndryshme me qëllim që vajza të afrohej me të dhe të mbante ftohtësi me mua nga që unë i kërkoja llogari që vajza të mos përdorte telefon me kamer, sepse ishte akoma e vogël dhe nuk doja që të ngatërrohej me gjëra që nuk i takonin për moshën. Llogarinë që unë kërkoja ndaj vajzës për mbarëvajtjen në mësime, ai e shfrytëzonte kundër meje. Shumë herë kemi bërë sherre dhe konflikte për arsye se ai është xheloz ndaj meje. Ai u flet dhe prindërve të mi duk u thënë se “çupa juaj ka të dashur“. Në datën 03.09.2019, rreth orës 02:25, unë kam qenë në gjumë me djalin tim. Zgjohem dhe shikoj që vajza nuk ishte në krevat. Shkoj në banjë dhe e gjej aty vajzën, e cila kishte mbyllur derën e banjës dhe e shikoj që nga jashtë që kishte një telefon në duar, të cilin e fshehu menjëherë. Ajo fshehu menjëherë telefonin, por unë arrita t’ia merrja. Telefonin, Arjani ia kishte dhënë vajzës fshehtas, duke e ditur që vajza përdorte faqe të ndaluara për moshën e saj, gjë që mua më shqetësonte për faktin që përmenda më lart. Pra, mendoja që ai e shtynte në këtë lloj fushe vajzën time, duke parë dhe lëvizje të dyshimta mes vajzës dhe Arjanit.