Vrasje dhe drogë, është një kombinim që, muajt e fundit, është rikthyer në modë në kryeqytet. Kështu ndodhi edhe me Gentian Kasa, një shqiptar 43 vjeç, i cili u gjet i vdekur nga gruaja e tij. Ai po kthehej në burgun Rebibbia pasi kaloi ditën jashtë duke qenë në një regjim gjysmë lirie. E shoqja ka gjetur trupin e pa jetë në një trotuar të 43 vjeçarit, e cila e shqetësuar priste telefonatën e tij.
Ata kishin një zakon: përpara se ai të futej në qeli, i telefononte asaj që të mos shqetësohej. Gruaja më pas zbriti në rrugë, ku gjeti trupin e burrit të saj. Katër të shtëna me pistoletë, një në fytyrë, e kishin vrarë atë më herët rreth orës 11:00.
Në vendngjarje, përveç policisë nga komisariati lokal dhe 118 punonjësve shëndetësorë, ndërhyri skuadra Rome Mobile, e koordinuar nga Luigi Silipo. Gentian Kasa është një njeri i njohur për ligjin italian.
Në fakt, ai ishte arrestuar nga policia për drogë në vitin 2011 dhe nga Guardia di Finanza i Romës dhe Ankona në vitin 2014. "Kam dëgjuar shpërthime, por nuk besoja në të shtëna me armë", thanë disa dëshmitarë.
Gazeta italiane La Stampa thekson se pista kryesore e hetimit është ajo e drogës.
Burimi: lastampa.it |Përktheu dhe përshtati: joq-albania.com