Viti 2020 duket se është padyshim një makth për Interin. Zikaltërit bënë një mbyllje perfekte për 2019-ën, por me fillimin e këtij viti duket se ka nisur dhe tatëpjeta e madhe për këtë skuadër. Skuadra e drejtuar nga Antonio Conte nuk ka shkuar më shumë se barazimi 1-1 ndaj Cagliarit në shtëpi.
Ndeshja nisi mirë për zikaltërit, të cilët që në fillim u hodhën në sulm dhe gjetën golin e avantazhit në minutën e 29’, kur Lautaro Martinez ia doli të shfrytëzojë shumë mirë një krosim të marrë nga Ashley Young.
Me këtë këtë rezultat u mbyll edhe pjesa e parë, ndërsa pjesa e dytë ishte ndryshe për miqtë. Cagliari u hodh në sulm për të gjetur golin e barazimi dhe këtë e bëri Naingolan, një ish-interis, nga jashtë zone, teksa me një gjuajtje shumë të bukur ia doli ta dërgojë topin në rrjetë, duke mos i dhënë asnjë mundësi Handanoviçit.
Me këtë barazim, Interi i jep një “asist” të mirë Juventusit, për tu shkëputur akoma më shumë dhe gjithashtu i jep mundësinë Lazios për ta barazuar me pikë. Ekipi i Kontes nuk njeh fitore në kampionat prej 3 ndeshjes, teksa kanë arritu vetëm 3 barazime radhazi.